O Na Olelo A Moramona

MOKUNA 1

1 [mokuna 1, paukū 1] Ano, owau, o Moramona, ua kokoke au e haawi aku i ka mooolelo a’u i hana ai iloko o na lima o ka’u keiki, o Moroni, aia hoi, ua ike au i ka aneane e pau ko’u poe kanaka, o ko Nepai poe i ka lukuia.

2 A he mau haneri makahiki ia mea mahope iho o ka hiki ana mai o Kristo, ka haawi ana o’u i keia mau mooolelo iloko o na lima o ka’u keiki; a ke manao nei au e ike oia i ka luku loa ia’na o ko’u poe kanaka. Aka na ke Akua e ae mai ia ia e ola mahope aku o ko lakou make ana, i kakau ai oia i kekahi mau mea no lakou, a i kekahi mau mea no Kristo, i pomaikai ai paha lakou ia mea ma kekahi manawa aku.

3 [m 1, p 2] Ano, ke olelo nei au i kekahi mau mea no ka mea a’u i kakau ai: no ka mea, mahope iho o ka’u hana ana i ka mooolelo i hoopokoleia mai, mai na papa o Nepai mai, a hiki i ka au o keia alii o Beniamina, a Amaleki i olelo mai ai, imi iho la au iwaena o na mooolelo i haawiia mai ai iloko i ko’u mau lima, a loaa ia’u keia mau papa, iloko o lakou keia mooolelo uuku o na kaula, mai Iakoba, a hiki i ke au o keia Alii o Beniamina; a me na olelo he nui no hoi a Nepai.

4 A e hooluolu ana na mea maluna iho o keia mau papa ua’u, no na wanana no ka hiki ana mai o Kristo; a e ike ana ko’u poe kupuna ua kookoia he nui loa o ia mau mea; he oiaio, a owau kekahi i ike ua hookoia na mea i wananaia no makou a hiki i keia la; a o na wanana no na mea mahope aku o keia la, e hiki io mai e pono ai;

5 Nolaila, ke koho nei au i keia mau mea e hoopaa i ke koena o ko’u mooolelo maluna iho o lakou, a e lawe au i ua koena nei mai na papa o Nepai mai; a aole i hiki ia’u ke kakau i ka hapa haneri o ne mea o ko’u poe kanaka.

6 [m 1, p 3] Aka hoi, e lawe au i keia mau papa, aia no iloko o lakou keia mau wanana a me na hoikeana, a e hui pu ia lakou me ke koena o ko’u mooolelo, no ka mea, ua minamina au; a ke ike nei au e makemake nui ia auanei ia mau mea e ko’u poe hoahanau.

7 A ke hana nei au i keia no kekahi manao naauao; no ka mea, pela ia i hawanawana mai ai ia’u, i like me ka hana ana o ka uhane o ka Haku iloko o’u. Ano, aole au i ike i na mea a pau; aka ua ike ka Haku i na mea a pau e hiki mai ana; nolaila ke hoolalelale nei oia iloko o’u e hana e like me kona makemake.

8 A no ko’u poe hoahanau, ka’u pule i ke Akua, i hiki lakou i hookahi manawa hou i ka ike i ke Akua; he oiaio, i ka hoolapanai ana o Kristo; i lilo lakou i kekahi manawa hou aku i lahuikanaka e olioli ai.

9 [m 1, p 4] Ano, ke hoopaa nei au, o Moramona, i ke koena o ko’u mooolelo, a’u i lawe mai ai mai no papa mai o Nepai; a ke hana nei au ia mea e like me ka naauao a me ka ike a ke Akua i haawi mai ai ia’u.

10 Nolaila, eia kekahi, mahope iho o ka haawi ana o Amaleki i na papa iloko o na lima o ke Alii o Beniamina, lalau aku la oia ia lakou a waiho pu me na papa e ae, i piha’i me na mooolelo i hooiliia mai ai e na ’lii ia hanauna aku ia hanauna aku, a hiki i na la o ke Alii o Beniamina;

11 A ua hooiliia mai mai ke Alii Beniamina mai, ia hanauna aku ia hanauna aku, a hiki lakou iloko o ko’u mau lima nei. A ke pule nei au, o Moramona, i ke Akua, i malamaia’i ia mau mea, mai keia manawa aku. A ke ike nei au e malamaia no lakou: no ka mea, ua kakauia na mea nui maluna iho o lakou noloko mai o ia mau mea e hookolokoloia ko’u poe kanaka a me ko lakou poe hoahanau, ma ka la nui mahope, e like me ka olelo a ke Akua i palapalaia.

12 [m 1, p 5] Ano, no keia Alii o Beniamina: He mau paio kekahi oni iwaena o kona poe kanaka.

13 Eia hoi kekahi, iho mai la ka poe kaua o ko Lamana poe mailoko mai o ka aina o Nepai, e kaua mai i kona poe kanaka. Aka hoi, houluulu ae la ke Alii Beniamina i kona poe kaua, a ku iho la oia me ke ku e aku ia lakou; a kaua aku la oia me ka ikaika o kona lime iho, me ka pahikaua a Labana;

14 A ma ka ikaika o ka Haku paio aku la lakou i ko lakou poe enemi, a, pepehiia aku la lakou i ko Lamana poe, a hiki i ka wa i kipakuia’ku ai ua poe la mawaho o no aina hooilina a pau o lakou nei.

15 [m 1, p 6] Eia kekahi, a mahope iho o ka hiki ana o no Kristo wahahee, a i papaniia’i ko lakou mau waha, a i hoopaiia’i lakou e like me ko lakou mau hewa;

16 A mahope iho o ka hiki ana o na kaula wahahee, a me na kahuna hai a me na kumu wahahee, mawaena o na kanaka, a i hoopaiia’i lakou a pau e like me ko lakou mau hewa; a mahope iho o ka hiki ana o na paio he nui a me na mea haalele mai he nui, e hoopili ana i ko Lamana poe, aia hoi, o ke Alii o Beniamina, me ke kokua pu ana o na kaula hemolele e noho ana iwaena o kona poe kanaka:

17 No ka mea, he kanaka hemolele o ke Alii o Beniamina, a noho alii oia maluna o kona poe kanaka ma ka pono. A ua nui na kanaka hemolele ma ka aina; a hai aku la lakou i ka olelo a ke Akua, me ka ikaika a me ka mana; a olelo aku la lakou me ka oi nio no ka ai oolea o na kanaka;

18 Nolaila, me ke kokua ana o keia poe, o ke Alii o Beniamina, ma kana hana ana me ka ikaika o kona kino a me ka makaukau o kona uhane a pau loa, a me ka na kaula no hoi, ua hookupaa hou ia ka maluhia ma ka aina.